Պատանի գայլը (1-ին եթերաշրջան)
Պատանի գայլը Teen wolf | |
|---|---|
.jpg) Պատանի գայլը սերիալի առաջին եթերաշրջանի DVD կազմ | |
| Ժանր | Թրիլլեր, մարտաֆիլմ, մելոդրամա, դրամա, ֆենթեզի |
| Երկիր | ԱՄՆ |
| Լեզու | անգլերեն |
| Ռեժիսոր | Ջեֆֆ Դևիս |
| Գլխավոր դերերում | Դիլան Օ'Բրայեն, Թայլեր Հեքլին, Թայլեր Փոուզի, Հոլլանդ Ռոդեն |
| Պրոդյուսեր | Ջեֆֆ Դևիս, Մարտի Ադելսթեին, Ջոզեֆ Ջենիեր և ուրիշներ |
| Սերիաների քանակ | 12 |
| Հեռուստաալիք | MTV |
| Դիստրիբյուտոր | ITunes |
| Հաջորդ | 2-րդ եթերաշրջան |
Պատանի գայլը սերիալի առաջին եթերաշրջան, ամերիկյան միստիկ-դրամա, որը մշակվել է Ջեֆֆ Դևիսի կողմից, և որը հիմնված է 1985 թվականին նկարահանված նույնանուն ֆիլմի վրա։ Եթերաշրջանի պրեմիերան տեղի է ունեցել MTV ցանցում 2011 թվականի հունիսի 5-ին և ավարտվել է 2011 թվականի օգոստոսի 15-ին։ Եթերաշրջանը բաղկացած է 12 սերիաներից[1]։
Սյուժե
[խմբագրել | խմբագրել կոդը]Սքոթթ ՄաքՔոլը միջին վիճակագրական անչափահաս է, որը տառապում է ասթմայով և Բեյքոն Հիլլսում ապրում է իր միայնակ մոր հետ միասին։ Մի գիշեր նա և նրա լավագույն ընկերը՝ Սթայլզ Սթիլինսկին՝ տեղական շերիֆի որդին, իմանում են, որ ոստիկանությունը կիսատ դիակ է հայտնաբերել անտառում։ Երկու ընկերները փորձում են գտնել դիակի մյուս կեսը, սակայն Սքոթթը հարձակման է ենթարկվում մարդագայլի կողմից, որը կծում է նրան[2]։ Շուտով նրա մոտ սկսում են զարգանալ մարդագայլերին բնորոշ գերբնական ունակություններ, ինչպիսիք են արագ վազքը և ուժեղ զգայարանները, որոնք նրան թույլ են տալիս դառնալ Բեյքոն Հիլլսի ավագ դպրոցի լաքրոսի թիմի ավագ։ Նա հարգանք է ձեռք բերում Լիդիա Մարթինի մոտ, իսկ վերջինիս սիրած տղան՝ Ջեքսոն Ուիթմորին[3], որը նաև Սքոթթի խաղընկերն էր, սկսում է նախանձել նրան։ Սքոթթը սիրային հարաբերությունների մեջ է մտնում նաև դպրոց նոր եկած մի աղջկա՝ Էլլիսոն Արջենթի հետ, սակայն պարզվում է, որ նրա հայրը՝ Քրիս Արջենթը, մարդագայլերի որսորդ է։
Սքոթթը և Սթայլզը հանդիպում են բետա մարդագայլ Դերեք Հեյլին, որի ընտանիքը մահացել էր անհասկանալի հրդեհի ժամանակ, որը տեղի էր ունեցել նրանց տանը 6 տարի առաջ։ Նրանք հայտնաբերում են անհետացած դիակի երկրորդ կեսը և պարզում, որ դա Դերեքի քույրը՝ Լաուրա Հեյլն է։ Սքոթթն իմանում է, որ ալֆան՝ գայլերի մեջ ամենաուժեղը, սպանություններ է կատարում, և որ հենց նա է կծել իրեն՝ Սքոթթին։ Հասկանալով իր նոր կյանքի հետևանքները և վտանգավորությունը՝ Սքոթթը ստիպած է լինում պաշտպանել իր հասակակիցներին և սիրելիներին՝ այդ թվում նաև Էլիսոնին, որը չգիտեր իր ընտանիքի՝ մարդագայլերի որսորդ լինելու մասին։
Էլիսոնի՝ մարդագայլերի դաժան որսորդ հորաքույրը՝ Քեյթ Արջենթը, ժամանում է Բեյքոն Հիլլս։ Դերեքը կասկածում է, որ Սքոթթի խորհրդավոր վերակացուն՝ անասնաբույժ Ալան Դիթոն է ալֆան, սակայն երբ պարզ է դառնում, որ նա ալֆա չէ, Ալանը հայտնում է, որ ինքը քաջատեղյակ է գերբնական աշխարհին, և դառնում է Սքոթթի դաշնակիցը։ Իմանալով, որ Սքոթթը մարդագայլ է՝ Ջեքսոնը պլանավորում է անձամբ դառնալ մարդագայլ՝ ի հակադրություն լաքրոսում Սքոթթի հաջողություններին։ Պարզ է դառնում, որ ալֆան Դերեքի քեռին՝ Փիթեր Հեյլն է, որը հրդեհից միակ փրկվածն էր։ Քեյթը հայտնում է Դերեքին, որ հրդեհի հեղինակը եղել է ինքը։ Նա նաև Էլիսոնին է պատմում մարդագայլերի մասին։
Քրիս Արջենթը պարզում է, որ Սքոթթը մարդագայլ է, սակայն հասկանում է, որ նա անմեղ է։ Փիթերը կծում է Լիդիային, որը դառնում է կատատոնիկ, իսկ հետո պարզվում է, որ նա կծոցից իմունիտետ լինում։ Էլիսոնը պարզում է, որ Սքոթթը մարդագայլ է, սակայն դա չի ազդում նրա և Սքոթթի սիրային հարաբերությունների վրա։ Սքոթթը պարզում է, որ Փիթերը սպանել է իր քրոջ աղջկան՝ Լաուրային, որպեսզի դառնա մարդագայլ։ Էլիսոնը տեսնում է, որ Քեյթը դաժան և անգութ է։ Ի վերջո Փիթերը վրեժ է լուծում Քեյթից և սպանում է նրան, քանի որ հենց նա էր հրդեհել իր ընտանիքին և սպանել բոլորին։ Այնուամենայնիվ, Դերեքը սպանում է Փիթերին և դառնում ալֆա։ Ի վերջո Ջեքսոնը պահանջում է կծել իրեն, ինչն էլ անում է Դերեքը։
Եթերաշրջանի ընթացքում երևում են նաև Ադրիան Հարիսսը, մարզիչ Բոբբի Ֆինստոկը, Դեննի Մահիլանին, Դեննի Մահիլանին, Մելլիսա ՄաքՔոլը և Վիկտորիս Արջենթը։
Դերասանական կազմ
[խմբագրել | խմբագրել կոդը]Հիմնական
[խմբագրել | խմբագրել կոդը]- Թայլեր Փոուզի որպես Սքոթթ ՄաքՔոլ[4]
- Քրիսթալ Ռիդ որպես Էլլիսոն Արջենթ[5]
- Դիլան Օ'Բրայեն որպես Սթայլզ Սթիլինսկի[6]
- Թայլեր Հեքլին որպես Դերեք Հեյլ[7]
- Հոլլանդ Ռոդեն որպես Լիդիա Մարթին[8]
- Քոլթոն Հեյնս որպես Ջեքսոն Ուիթմոր[8]
Երկրորդային
[խմբագրել | խմբագրել կոդը]- Լինդեն Էշբի որպես Շերիֆ Սթիլինսկի
- Ջեյ Ար Բորն որպես Քրիս Արջենթ
- Ջիլլ Վագներ որպես Քեյթ Արջենթ
- Մելիսա Փոնզիո որպես Մելլիսա ՄաքՔոլ
- Կիաու Կաուանուի որպես Դեննի Մահիլանի
- Օրնի Ադամս որպես Բոբբի Ֆինստոկ
- Սեթ Գիլլիամ որպես բժիշկ Ալան Դիթոն
- Իեն Բոհեն որպես Փիթեր Հեյլ
- Էդդի Մեյս որպես Վիկտորիս Արջենթ
- Ադամ Ֆրիսթոու որպես միստեր Հարրիս
- Սյուզան Ուոլթերս որպես Նատալի Մարթին
Մրցանակներ և անվանակարգեր
[խմբագրել | խմբագրել կոդը]| Տարի | Մրցանակ | Անվանակարգ | Առաջադրվող (ներ) | Արդյունք |
|---|---|---|---|---|
| 2011[9] | Teen Choice Awards | Լավագույն Նոր Հայտնիություն | Թայլեր Փոուզի | Առաջադրված |
| Լավագույն Ամառային Սերիալ | Պատանի գայլը | Առաջադրված | ||
| Լավագույն Ամառային Սերիալ - Դերասանուհի | Քրիսթալ Ռիդ | Առաջադրված | ||
| Լավագույն Ամառային Սերիալ - Դերասան | Թայլեր Փոուզի | Առաջադրված | ||
| Լավագույն Դերասանուհի։ Ֆենտեզի/Գիտաֆանտաստիկ Սերիալ | Քրիսթալ Ռիդ | Առաջադրված | ||
| Լավագույն Ֆենտեզի/Գիտաֆանտաստիկ Սերիալ | Պատանի գայլը | Առաջադրված |
Ծանոթագրություններ
[խմբագրել | խմբագրել կոդը]- ↑ «MTV Builds Slate of Scripted Programming with 2011 Premieres of Original Series "Teen Wolf" and "Skins"». The Futon Critic. 2010 թ․ օգոստոսի 6. Արխիվացված է օրիգինալից 2012 թ․ հուլիսի 14-ին. Վերցված է 2010 թ․ նոյեմբերի 25-ին.
- ↑ 1-ին սերիա
- ↑ 2-րդ սերիա
- ↑ «Scott McCall». Teen Wolf Wiki. Վերցված է 2016 թ․ մարտի 22-ին.
- ↑ «Allison Argent». Teen Wolf Wiki. Վերցված է 2016 թ․ մարտի 22-ին.
- ↑ «Stiles Stilinski». Teen Wolf Wiki. Վերցված է 2016 թ․ մարտի 22-ին.
- ↑ «Derek Hale». Teen Wolf Wiki. Վերցված է 2016 թ․ մարտի 22-ին.
- ↑ 8,0 8,1 «Jackson Whittemore». Teen Wolf Wiki. Վերցված է 2016 թ․ մարտի 22-ին.
- ↑ Clarissa (2011 թ․ օգոստոսի 7). «Teen Choice Awards 2011 Winners». TV Over Mind. Արխիվացված է օրիգինալից 2011 թ․ սեպտեմբերի 13-ին. Վերցված է 2011 թ․ օգոստոսի 11-ին.
Արտաքին հղումներ
[խմբագրել | խմբագրել կոդը]- Պաշտոնական կայք Արխիվացված 2012-12-04 archive.today
- Սերիաների ցանկը IMDb-ում
- Սերիալը դիտելու կայք